Serokê Lijneya Rêveberiyê ya Odeya Bazirganî û Pîşesaziyê ya Wanê Birêz Necdet Takva, derbarê bûyerên çil salên dawî û her wiha avhewaya aştiyê û çekdanînê ya ku li ser bandora aboriya herêmê de daxuyanî da Rudaw TVyê Beriya her tiştî, ez dixwazim kêfxweşî û dilşadiyên xwe ya li hember pêşketinên di demên dawî de, avhewaya aştiyê ya ku hatiye afirandin û danîna çekan nîşan bidim. Herêma Rojhilata Anatolyayê nêzîkî sedsalek e şahidiya bûyerên awarte û aloziyan bûye. Me qet rojek asayî nedît; jiyana me û rewşa me her tim derasayî bû. Ev rewş bû sedema gelek windahiyên civakî û aboriyê. Gundên me vala bûn, xwedîkirina ajalan rawestiya, çandinî rawestiya. Rewşa aboriyê li gundewariyê xirab kir. Gelê me yê gundan ber bi bajaran ve koç kirin. Bajarên me bûne gundên mezin. Pêş neket û geş nebûn. Bi taybetî, her çend parêzgeha Wanê, di warê nehêniya ajaldarî û milkên çêregeh/merayan de, di rêza yekem a welat de be jî, lê mixabin, di warê pêşveçûna aboriyê de di rêza dawîn de ye. Ciwanên me koçî bajaran kirin, li hemû şantiye û avakirina xaniyên welatê me de xebitîn, ketin û jiyana xwe ji dest dan. Lê mixabin ew nekarî bûn malên xwe ava bikin. Ciwanên me yên xwende, bajarên me terikandin û li bajarên yên wekî Stenbol, Enqere, Edeneyê her wiha derketin derveyî Welat li Ewropayê belavbûn. Dewlet, bi salan, ji ber fikarên ewlehiyê, veberhênanên xwe di vî warî de çêkir. Ev rewşa hanê tê îdîa û diyar kirin ku bûye sedema zirara ser 2 trîlyon dolarî. Em nikarîbûn nehêniyên xwe ya geştiyariyê bi kar bînin. Veberhênerên ji welatê me û welatên biyanî li herêma me bi xetere û talûke temaşe dikirin. Aktorên cîhana me ya karsaziyê, rastî zehmetiyan hatin, lê dîsa jî, me veberhênan û bazirganiyên xwe li vir kirin, me bajêr ne terikand. Mixabin, hin ji gelek karsaz neçar man ku dev ji veberhênanên xwe berdan û bajêr terikandin. 'Me baweriya xwe ya aştiyê tu caran vinda nekir' Ez, teqez dixwazim vê bibêjim; girîngtirîn qada veberhênana aboriya herêma me, xwedîkirina ajalan e. Werin li vê herêmê veberhênanê bikin! Di dawiyê de, ez dixwazim vê yekê bibêjim; 'Ez, hemû kesan, hemû nêrînan, hemû beşên vî welatî vedixwînim ku di Roja Taştê ya Cîhanê de, ku dê roja Yekşemê-1ê Xezîranê 2025an de were pîrozkirin, li ser heman sifreyê werin cem hev da ku vê aştiya hêja, ji bajarê me, herêma me, welatê me bigire heta cîhanê, tacîdar bikin. Werin em pêkanînên xwe ya Sifre Taştêya Herî Mezin a Cîhanê ya ku beşdarbûna 51 hezar kesî biguherînin û 86 mîlyon hemwelatiyên xwe, bi dil û can Sifre Aştiyê ya Herî Mezin de bînin cem hev. Aştî pîroz be! Bila biratiya me her û her be! Bila welatê me dewlemend be! Spas, ji hemû xebatkar, kedkar, biryardar û zehmedkêşanên ev roja pîroz!      

Odeya Bazirganî û Pîşesaziyê ya Wanê, bi piştevaniya Serkonsûlê Tirkiyeyê, Hewlêra li paytexta Herêma Kurdistana Iraqê 'Şeva Danasînê ya Wanê' lidarxist.   Wezîrê Herêma Kurdistanê yê Karûbarên Pêkhateyan, Parêzgarê Hewlêrê, Serkonsûlê Tirkiyeyê, Cîgirê Serokê Jûra Bazirganî û Pîşesaziyê ya Hewlêrê, nûnerên Herêma Kurdistanê û partiyên siyasî, rêxistinên civaka sivîl û pîşeyî, karsazên geştiyariyê û gelek mêvan beşdarî Şevê bûn.   Bernamê, bi guhdariya stranên herêmî û pêşkêşkirina xwarinên Wanê yên ku ji aliyê Aşpêj Şef Alî Geyik ve hatibûn amadekirin bi dawî bû.

Wan li Hewlêrê! Odeya Bazirganî û Pîşesaziyê ya Wanê ji bo danasîna parêzgeha Wanê beşdarê 'Pêşangeha Geştiyariyê ya Rojhilata Navîn' bû.   Çanda dewlemend ya pêjgeha Wanê li parêzgeha Hewlêrê, Pêşangeha Geştiyariyê ya Rojhilata Navîn de derket pêşberî gel. Penîrê Wanê, Kulîçeya Wanê, Nanê Loş, Hingivê Wanê Mirtuxe û Qawut ji mêvanan re hatin belavkirin. Her wiha li ser nasandina Wanê agahî hate dayîn.   Serokwezîrê Hikûmeta Herêma Kurdistanê Birêz Mesrûr Barzanî serdana pêşkêşgeha me kir. Endamê me yên Lijneya Rêveberiyê Birêz Mesrûr Barzanî vexwend parêzgeha Wanê.     Di roja yekem a Pêşangeha Geştiyariyê ya Rojhilata Navîn de pêşkêşgeha me gelek balkişand. Berpirsên hikûmeta Herêma Kurdistanê, karsazên beşa geştiyariyê, nûnerên ji Iraq û welatên Rojhilata Navîn yên ku beşdarî pêşangehê bûn, hatin serdana me.   Mêvanên ku serdana pêşkêşgeha me kirin bi derfeta Berçavka Rastiya Xeyalî cihên dîrokî û xwezayî ya parêzgeha Wanê ceribandin. Serkonsolosê Hewlêrê yê Tirkiyeyê Birêz Erman Topçu, li Pêşangeha Geştiyariyê ya Rojhilata Navîn de hat serdana pêşkêşgeha me. Alîkarê Serokwezîrê Herêma Kurdistanê Birêz Qubad Talabanî hat serdana pêşkêşgeha me.     Parêzgeha Wan, bi xwarin û vexwarinên xwe yên xwemalî û nehêniyên geştyariyê bala beşdarên pêşangehê kişand. Di roja duyemîn ya Pêşangeha Geştiyariyê ya Rojhilata Navîn de ji bo nasandina nirxên Wanê yên xwezayî, dîrokî, geştiyarî û berhemên herêmî hewldanên me berdewam dikin.      

Endamên Lijneya Rêveberiyê û Serokê Komiteya Karbendî ya Odeya Bazirganî û Pîşesaziyê ya Wanê; Alîkarê Wezîrê Çandinî û Daristanan Dr. Ahmet Bagci re hevdîtin kir.   Di civînê de; li ser nehêniyên çandinî û ajaldariyê ya parêzgeha Wanê, her wiha pirsgirêk û daxwazan de şêwirîn.

Bi hevkariya odeya me û Saziya KOSGEBê de Bernameya Agahdariyê ya Piştevaniyên KOSGEBê hat lidarxistin.   29ê Rêbendanê 2025an roja Çarşemê Demjimêr 14.00an de li eywana Odeya Bazirganî û Pîşesaziyê ya Wanê de Bernameya Agahdariyê ya Piştevaniyên KOSGEBê hat lidarxistin.   Di çarçoveya bernameyê de: Piştgiriya Geşepêdana Zerengiyê Piştgiriya Veguherîna Dîjîtal Perwerdeya Nivîsandina Pêşnûmayan de agahî hate dayîn.   Serkarê Piştevanî û Geşkirinê ya Kargehên bi Pîvanên Navîn û Biçûk ya parêzgeha Wanê Bilal Emre Yoruk, derbarê piştevaniyên KOSGEBê de pêşkêşiyek kir û agahiyan da

Odeya Bazirganî û Pîşesaziyê ya Wanê, ji ber serdana Serokomar Birêz Recep Tayyîp Erdogan nûsafeke li ser daxwazên parêzgeha Wanê amade kir. Di nûsafê de; pirsgirêkên binesazî û avahîsaziye, bi taybetî aboriya giştî ya bajêr her wiha bazirganiya derve û gihîştina fînansê hate pêşkêşkirin.     DAXWAZÊN ME JI SEROKOMAR BIRÊZ RECEP TAYYÎPERDOGAN RE:   1- RÊYA WAN Û ŞIRNEXÊ WERE QEDANDIN 2- DERBASGEHA KUSKUNKIRANÊ YA DUYEM WERE QEDANDIN 3- HÊSANKIRINA GIHÎŞTINA FÎNANSÊ 4- ÇARESERKIRINA PIRSGIRÊKÊN AVAHÎSAZIYÊ 5- DERIYÊ ÛZÛMLÛYÊ WERE NÛJENKIRIN 6- RÊYA HAWIRDORÊ YA WANÊ WERE QEDANDIN 7- XETA RÊHESIN YA BÊNAVBER WERE AVAKIRIN 8- HEJMARA SEFERÊN BALAFIRAN WERE ZÊDEKIRIN 9- DERIYÊ GELÎNCÎK Û ÇÎLLIYÊ WERE VEKIRIN 10- KONSULXANEYA ÎRANÊ LI BAJARÊ ME WERE VEKIRIN 11- XURTKIRINA PIŞTEVANIYÊN HERÊMÎ 12- ZÊDEKIRINA PIŞTEVANIYÊN BICIHKIRINA XEBATKARAN

Bi hevkariya Odeya Bazirganî û Pîşesaziyê ya Wanê û Zanîngeha Yuzuncu Yil a Wanê de bernameyên perwerde û fêrkirinê yên demdirêj û kurt, pêşnûmayên lêkolîn û şêwirmendiyê bên pêşxistin.   Ji aliyê Odeya Bazirganî û Pîşesaziyê ya Wanê û Navenda Perwerdeya Berdewam a Zanîngeha Yuzuncu Yil a Wanê de hevkariyeke girîng hate destnîşan kirin. Odeya Bazirganî û Pîşesaziyê ya Wanê ji bo ku têkiliyên zanîngeh û bajêr pêş bikevin di sala 2025an bi hevkariyeke nû dest pê kir.   Di çarçoveya pêşnûmaya ku li gel Navenda Perwerdeya Berdewam a Zanîngeha Yuzuncu Yil a Wanê tê meşandin “Fêrxaneya YUSEM”ê hat vekirin. Di pola ku li qata 4emîn a avahiya xizmetê ya OBPW hat vekirin; perwerde û fêrkirinê yên demdirêj û kurt, pêşnûmayên lêkolîn û şêwirmendiyê bên pêşxistin.   Ev pêngav; ber ku Zanîngeha Yuzuncu Yil a Wanê dûrî navenda bajêr e û veguheztinê de dibe sedema windabûna demê, wekî din, pêşdebirina hevkariya navbera zanîngeh û bi gel de wê alîkariyeke girîng bike. Her wiha ji bo têkiliyên saziyên giştî û beşên taybet û rêxistinên navneteweyî wê valahiyek girîng dagire.

Ji Çapemenî û Raya Giştî re Bûyerên germ, pirsgirêk, koçberî, guhertinên siyasî, nakokî, pozberî û gelek hêmanên din ên li erdnîgariya Rojhilata Navîn û her wiha bandora aboriya cîhanî, hewce dike ku aştiya navxweyî ya welatê me, ji her demê bihêztir bibe. Em çavdêrî dikin ku di pêvajoya dawî de, Pirsgirêka Kurd, pêçokeya çek û tundiyê tê derxistin û ji bo çareserkirinê di ser zemîna hiqûq û siyasetê de tê nirxandin. Di vê wateyê de, bi taybetî jî aktorên siyasî; ji bo xurtkirina aştiya navxweyî û avakirina pêşerojeke geştir, divê raya giştî, hêzên hiqûqî, aktorên cîhana karsaziyê, civaka sivîl û hemû beşên civakê bi dilniya, avaker û bi biryar bin. Ji bo zindîkirina ruhê welatê hevpar, bi hikûmet, opozîsyon û hemû kes parçeyek ji yekîtiyê ne, lewma di vî warî de berpirsiyarî li ser her kesî ye. Hemû kes, hemû sazî, hemû herêm, hemû bajêr; ziman, reng, nesl, pîşe û hemû nasnameyên din; hemû destkeftiyên welat ya me ye. Her tiştên ku winda bûye jî ji destê me çûye. Di vê çarçoveyê de em di wê baweriyê de ne ku; ruhê biratiyê yê ku ji aliyê siyasetê ve hatiye rojevê, wê li hemû qadên jiyanî belav bibe û bi taybetî jî avakirina aştiya civakî û pêşxistina aboriyê, wê sûdê ji welatê me re bîne. Îrade û helwesta siyasetmedaran a li ser vê mijarê û hişmendiya hemû beşên siyasî û civaka sivîl, diyar dike ku aştiya civakî çiqasî girîng e. Em wek beşek ji civaka sivîl û cîhana karsaziyê, bi ezmûnên xwe yên neteweyî û navneteweyî destnîşandikin ku; li cihê ku aştî û bawerî hebe, dê pêşveçûnê çêbibe û aboriyek pêşkeftî bi aştiyê pêkan e. Ji ber vê yekê em bawer dikin ku her destê dirêjkirî, her gotûbêj, her rûyekî bişirîn, her feraseta erênî, her rexneyek çêker, wek pêdiviyeke demokrasiyê, dê welatê me yê hevpar Komara Tirkiyeyê bihêztir bike. Avhewaya ku demên borî de me ceribandibû, ji aliyê siyasî, hiqûqî, aborî û derûnî ve wek şahidên bandora wê pêvajoyê; em di wê baweriyê de ne ku aştî ne pir zehmet û ne jî pir dûr e. Herêma ku em lê dijîn; rewşa me ya civakî û her wiha Pirsgirêka Kurd ku bi salan e li benda çareseriyê ye, bandora wê li ser herêma me heye û nîşan dide ku pêdiviya me bi zêdetir aştiya civakî heye. Ji ber vê yekê, em pir dilşad in ku avhewaya siyasî nerm bûye. Her wiha, em ji dil bawer dikin ku bazirgan û karsazên li her devera welatê me, xwedî heman ramanê ne. Ruhê aştî û biratiyê û helwesta jiyana bi hev re, ku bi sedsalan taybetmendiya gelê me nîşan daye, bingeheke girîng a vê avhewayê ye. Em difikirin ku; aştî, biratî, aramî û dadmendî, sazgerên herî girîng ên jiyana bi hev re û welatekî hevpar in. Bi taybetî em girîng dibînin ku aktorên pispor û xwedî tecrûbe ku bi salan e siyaseta welatê me birêve dibin, di vê pêvajoyê de bêtir di nava têkiliyê de bin. Di warê veberhênan, bikaranîn û geşepêdana aborî ya welatê de pêdiviya me bi têkiliyan heye. Em dixwazin rewş êdî asayî bibe. Bi van hest û ramanan, em ji raya giştî re radigihînin ku em di wê baweriyê de ne, ji bo ku avhewaya aştiyê ya ku derketiyê holê awayekî rast were bikaranîn, dê rêveber bi berpirsyarî tevbigerin. Odeya Bazirganî û Pîşesaziyê ya Wanê

Çapemenî û raya giştî der barê xebatên sala 2024an ên Odeya Bazirganî û Pîşesaziyê ya Wanê de hatin agahdar kirin.   Bi Hejmaran OBPW 2024 Bi Kurtasî   - Kargehên Nû Hatî Damezrandin:872 - Belgeyên Deranînê: 3.111 - Zerengî: 122 - Hilberîna Hunerwerî: 2 - Belgeyên K: 737 - Takograf: 5.678 - Makîneya Karê: 404 - Bedelê Kifşê: 3.768 - Kirariya Pisporî: 12 - Belgeya Malên Xwemalî: 15 - Daneyên Çapemeniyê: 2941 - Gihîştina Medya Civakî: 2.329,327   Çalakiyên din; Wan di warê vekirina şîrketan de di rêza 30emîn an de ye. Civîna Parêzgehên Sînorê Tirkiye-Îranê hat lidarxistin. Hilbijartinên Serokomariya Îranê li Odeya Bazirganiyê ya Wanê hat lidarxistin. Navenda Huneriya Pêjgehê û Gastronomiyê ya Wanê dê bê avakirin Xebatên me yên vekirina Konsolosxaneya Îranê ya li Wanê dewam dikin. Xebatên me yên ji bo vekirina Deriyê Sînor ê Gelincik û Çilliyê dewam dikin.

Civîna Lijneya Bilind a Şêwirmendiyê hat lidarxistin. Di civînê de, Rêveberê Damezrîner ya Weqfa Lêkolînên li ser Polîtîkayên Aboriyê yên Tirkiyeyê Guven Sak; “sedsala dawî û sed salên pêş de pêşveçûna Wanê” û “stratejiya pêşketina herêmî ya li ser geştiyariyê” de agahiyan da.   Civîna di çarçoveya; Pêşnûmaya Nirxandina Pêşketina Wanê ya Di Sedsala Dawî de û ji bo Pêşketinê de Tespîtkirin û Berêxwedana Qadên Nû” beşdariya Rêveberê Damezrîner ya Weqfa Lêkolînên li ser Polîtîkayên Aboriyê yên Tirkiyeyê Guven Sak, Endamên Lijneya Bilind a Şêwirmendiyê, Endamên me yê Lijneya Rêveberiyê, Serokê me yê Meclîsê, Endamên me yên Meclîsê, Serokên Komîteya Karbendî, Endamên Lijneya Rêzkariyê, Şêwirmendên Lijneya Rêveberiyê û Serokê Lijneya Ciwanên Peyaner hat lidarxistin.   Di Civînê de Serokê Odeya Bazirganî û Pîşesaziyê ya Wanê Necdet Takva got ku; bi baweriya min ew e, ev civîn dê bibe sedema pêvajoyeke feyîzdar. Ez spasiya Lijneya Bilind a Şêwirmendiyê dikim ber ku ev pêşnûmayê pêşniyarî me kirin, me jî Weqfa Lêkolînên li ser Polîtîkayên Aboriyê yên Tirkiyeyê vexwend Wanê. Her wiha Rêveberê Damezrîner ya Weqfa Lêkolînên li ser Polîtîkayên Aboriyê yên Tirkiyeyê Guven Sak jî bi pêşkêşiyek têgihiştî, zelal û bêkêmasî me agahdar kir.   Di civînê de beşdarvanên civînê û Endamên Lijneya Bilind a Şêwirmendiyê raman û pêşniyarên xwe anîn ziman.

Bi hevkariya OBPW û Weqfa Lêkolînên li ser Polîtîkayên Aboriyê yên Tirkiyeyê, bi beşdariya serokên odeyên herêmî “Civîna Şêwrê ya Bajarên Sînorî” hat lidarxistin.   Di civînê de Serokên Odeyên Bazirganî û Pîşesaziyê yên; Agirî, îdir, Qers, Bazîd, Erdîş û Geverê jî amade bûn û li ser bazirganiya derve gotûbêj kirin.

Odeya Bazirganî û Pîşesaziyê ya Wanê derbarê Bernameya Karsaziyê ya Herêma Kurdistana Iraqê de daxuyanî da çapemeniyê.   Armanca Giştî - Pêşxistina pêwendiyên Wan-Hewlêr/Wan-Duhokê - Hevdîtin û civînên bi odeyên bazirganî û pîşesaziyê re - Kişandina welatiyên Herêma Kurdistanê bo Wanê (ji bo geştiyariyê) - Bal kişandina li ser nûjenkirina Deriyên Sînor ya Ûzûmlû û Serzerê - Bal kişandina li ser nûjenkirina veguhestinê - Bal kişandina li ser derfetên veguhestina esmanî (firîna Wan-Hewlêrê) - Pêşxistina pêwendiyên bazirganên me bi karsazên Hewlêr û Duhokê re   Çalakiyên Bernameya Herêma Kurdistana Iraqê   - Serdana Jûra Bazırganî û Pîşesaziyê ya Hewlêrê: 28ê Mijdarê 2024-an - Civînên Dualî ( Jûra Bazırganî û Pîşesaziyê ya Hewlêrê): 28e Mijdarê 2024-an - Serdana Pêşangeha Berhemên Xwarinê ya Hewlêrê:28ê Mijdarê 2024-an - Serdana Serkonsolosê Hewlêrê yê Tirkiyeyê: 28ê Mijdarê 2024-an - Serdana Nexweşxaneya Lokman Hekîmê ya Hewlêrê: 28ê Mijdarê 2024-an - Serdana Rafîneriya Lanazê: 29ê Mijdarê 2024-an - Çalakiyên Pêşkêşgeha Danasînê ya Wanê /Hewlêr: 29ê Mijdarê 2024-an - Çalakiyên Pêşkêşgeha Danasînê ya Wanê /Duhok: 30ê Mijdarê - 1 Berfanbarê 2024-an     Endamên ku beşdar bûne: 4 Endamên Rêveberiyê Serokê Meclîsê 16 Endamên Meclîsê 5 Serokê Komîteya Karbendî 3 Endamên Lijneya Rêzkariyê Serokê Lijneya Ciwanên Peyaner 1 Karbidestên Nexweşxaneya Loqman Hekîmê 2 Alîkarê Serbijîşkê Nexweşxaneya Lêkolînê ya Herêmî 6 Karkerên Odeya me Beşên ku hatine temsîlkirin: - Ajaldarî - Çandinî - Xwarin - Sotemenî - Cilûberg - Têkberên spî - Mobîlya - Veguhastin - Tenduristî - Pizişkî - Avahîsazî - Karên milkfiroşî - Kereseyên avahîsaziyê - Ewlehiya karê - Sîgortavanî - Geştiyarî - Berbesvanî - Vejen - Otomotîv - Bazirganiya derve - Xwaringeh   Bernameya Hewlêrê – 28ê Mijdarê 2024-an   Bernameya Jûra Bazırganî û Pîşesaziyê ya Hewlêrê: Şandeya Odeya Bazirganî û Pîşesaziyê ya Wanê bi 40 kesan re çûn serdana Jûra Bazırganî û Pîşesaziyê ya Hewlêrê. Alîkarê Serokê Jûra Bazirganî û Pîşesaziyê ya Hewlêrê Kamuran Salih Bacgır, Endamên Rêveberiyê; Haji Faisal Gardi ve Salar Xoshnaw re hevdîtin pêk hat. Serokê Yekîtiya Bazirganên Derve ya Hewlêrê Başkanı Resul Hacı Ömer re hevdîtin pêk hat. Endamên Jûra Bazirganî û Pîşesaziyê ya Hewlêrê re civîna dualî hat lidarxistin. Serkonsolosê Hewlêrê yê Tirkiyeyê Akin Ak û Kemal Bahadir di bernameyê de amade bûn. Li ser serdan û civîna duali de Odeya Bazirganî û Pîşesaziyê ya Wanê Necdet Takva û Alîkarê Serokê Jûra Bazirganî û Pîşesaziyê ya Hewlêrê Kamuran Salih Bacgır, daxuyanî dan çapemeniyê.   Serdana Pêşangeha Berhemên Xwarinê ya Hewlêrê: Şandeya Odeya Bazirganî û Pîşesaziyê ya Wanê di çarçoveya Bernameya Karsaziyê ya Hewlêrê de çûn serdana Pêşangeha Berhemên Xwarinê ya Hewlêrê . Karsazên me yên ku beşa xwarinê temsîl dikin, têkiliyên dualî pêş xistin û ji karsazên Tirk ên ku li herêmê nûnertiya wan heye, agahî wergirtin. Hevkariya bi kompanyayên ku ji derveyî Tirkiye û Iraqê beşdar bûne agahî hate wergirtin û gotûbêj hate kirin.   Serdana Serkonsolosê Hewlêrê yê Tirkiyeyê : Şandeya Odeya Bazirganî û Pîşesaziyê ya Wanê di çarçoveya Barnameya Karsaziyê ya Hewlêrê de çûn serdana Serkonsolosê Hewlêrê yê TirkiyeyêBirêz Erman Topçu û li ser pêwendiyên Wan û Hewlêrê de axivîn. Di serdanê de li ser pêwendiyên karsazên Wan û Herêma Kurdistana Iraqê de şêwirîn. Di civînê de; li ser giringî û bandora Pêşkêşgeha Danasînê ya Wanê nirxandin. Serkonsolosê Hewlêrê Erman Topçu diyar kir ku di sala 2025an de ew ê weke konsolosxaneyê piştgiriyê bidin Pêşnûmaya Rojên Danasînê yên Wanê.   Serdana Grûba Tenduristiyê ya Loqman Hekîmê a Nexweşxaneya Hewlêrê   - Şandeya me çûn serdana Nexweşxaneya Hewlêrê ya Koma Tenduristiyê ya Loqman Hekîmê. - Bi Endamê Lijneya Rêveber a Koma Tenduristiyê ya Loqman Hekîmê û Serkarê Xebatên Navneteweyî Hakan Sûslû û Serkarê Giştî yê Nexweşxaneya Hewlêrê Ahmet Selçuk Ozdemîr re hevdîtinek pêk hat. - Li ser berfirehkirina nexweşxaneya Loqman Hekîmê li Hewlêrê de axivîn. - Li ser mijara li rêkirina nexweşên herêmî ya Nexweşxaneya Wanê de şêwirîn.     Bernameya 29ê Mijdarê 2024-an   Çalakiyên Pêşkêşgeha Danasînê ya Wanê li parêzgeha Hewlêrê: Li navenda bajarê Hewlêrê li xaçerêya Keleha Hewlêrê û Qada Hewlêrê Pêşangeha Danasînê ya Wanê hat vekirin û li ser nehêniyên dîrokî, xwezayî, aborî, civakî û dewlemendiya bajarê me de daxuyanî hatin dayin. Di rojekê de nêzi 7 hezar kes hatin serdana pêşkêşgeha me. Li ser danasîna, dîrok, çand, xwezayî, tenduristî, ajaldarî, çandinî, geştiyarî, perwerde, vejena rojê cilûberg û qadên veberhênanê ya Wanê de pirtûk û kovar hatin belavkirin. Xwarinên me, dewlemendiyên xwezayî, mizgeft, dêr, berrik û cihên me yên danûstandinê bi dîmenan hatin danasîn. Penîrê Wanê û Nanê Tendûrê yê Wanê ji mêvanan re hat pêşkêşkirin. Magnetên ku li ser nîgarên Wanê hene li gel re hatin belavkirin.   Serdana Rafîneriya Lanazê: Lijneya me ya Rêveberiyê, Serok û Endamên Meclîsê, Serokên Komîteya Karbendî, Endamên Lijneya Rêzkariyê, Serokê Lijneya Ciwanên Peyaner û Endamên OBPW çûn serdana Rafîneriya Lanazê.     Bernameya Duhokê - 30ê Mijdarê - 1 Berfanbarê 2024-an Li navenda bajarê Duhokê li qada bajêr Pêşkêşgeha Danasînê ya Wanê hat vekirin û li ser nehêniyên dîrokî, xwezayî, aborî û civakî a bajarê me daxuyanî hatin dayîn. Di nava du rojan de nêzî 7 hezar kes hatin serdana pêşkêşgeha me. Xwarinên me, dewlemendiyên xwezayî, mizgeft, dêr, berrik û cihên me yên danûstandinê, otel û cihên razanê, zanîngeh û nehêniyên din bi dîmenan hatin danasîn. Penîrê Wanê û Nanê Tendûrê yê Wanê ji mêvanan re hat pêşkêşkirin. Magnetên ku li ser nîgarên Wanê hene li gel re hatin belavkirin.   Dengûbasên ku Bernameya Karsaziyê ya Herêma Kurdistana Iraqê hatine şîrovekirin: Rudaw TV -Kurdistan 24 - News TV -Herem TV - AVA Ajans - Xani TV -Gav Tv   Em di dirokê de çîrokeke nûdinivîsin!Hemû xebatên Odeya Bazirganî û Pîşesaziyê ya Wanê ji bo pêşxistina pêwendiyêncivakî û aborî ya Herêma Kurdistana Iraqê, wê di sala 2025an de hîn xurtir dê berdewam bike.   Wêneyên Bernameya Karsaziyê ya Herêma Kurdistana Iraqê

Serokê Odeya Bazirganî û Pîşesaziyê ya Wanê Necdet Takva, beriya serdana Wezîrê Gihandin û Binesaziyê Abdulkadîr Uraloglu ser medyaya civakî daxwazên Wanê parve kir.   Rêya Hawirdorê Qedandina Rêya Wan û Şirnexê Rêhesina Bênavber Derbasgeha Kuskunkiranê ya duyem Binesaziya Veguhastinê ya Hewza Behra Wanê Binesaziya Înternetê Tunelên Aşîtê ya Miksê Hejmara Balafiran Keştîgehên Giravan yên Behra Wanê Bihurekên Jêrîn Pergala Daketina Dûr a Balafirgehê  

Lijneya Rêveberiya Odeya Bazirganî û Pîşesaziyê ya Wanê li Komara Tirk a Bakurê Qibrisê (KKTC) beşdarî 5emîn Akademiya Pêşengî û Komcivîna Birêveberiyê bûn. Bername, ji aliyê Odeya Bazirganî û Pîşesaziyê ya Silifkeyê ve hat lidarxistin.   Serokê Odeya Bazirganî û Pîşesaziyê ya Wanê Necdet Takva, di çarçoveya 'Akademiya Pêşengî û Komcivîna Birêveberiyê' de wek axaftvan beşdarî 'Gotûbêja Pêşketinê de Cih û Girîngiya Ode/Borseyan' bû. Takva, li ser çalakiyên ode/borseyan û xebatên OBPW de axivî.   Endamên Lijneya Rêveberiyê ya Odeya Bazirganî û Pîşesaziyê ya Wanê di çarçoveya 5emîn Akademiya Pêşengî û Komcivîna Birêveberiyê de beşdarî çalakiyên din jî bûn û pişt re vegeriyan Wanê.

Bajarê dîrokî, xwezayî, çandinî û geştiyariyê, bajarê kevnar; bajarê taştê û tahmên cur bi cur; di navbera 10-13ê Cotmehê li Stenbolê “Rojên Danasînê ya Wanê” de hate nasandin.   Odeya Bazirganî û Pîşesaziyê ya Wanê 10-13ê Cotmehê li Stenbolê pêşangeha “Rojên Danasînê ya Wanê” de cihê xwe girt. Pêşkêşgeha OBPW de dîrok, xwezayî, çandinî û geştiyarî, taştê û tahmên cur bi cur hate danasîn.   Saziyên civaka sivîl, şaredar, siyasetmedar, hunermend, nivîskar û hemwelatî hatin serdana pêşkêşgeha me ya Rojên Danasîna Wanê. Her wiha, berhemên me yê nîşanên erdnîgariyê wek Penîrê Wanê, Poxîn, Keledoş, Girar, Sengeser, Kutilka Kurda, Kulîçeya Wanê, Hingivê Wanê û berhemên cur bi cur ji mêvanan re hate pêşkêşkirin.

Serokê Lijneya Rêveberiyê ya Odeya Bazirganî û Pîşesaziyê ya Wanê Necdet Takva; beşdarî“Civîna Şêwrê yaCîhana Karsaziyê” bû. Civîn,bi tevlîbûna Wezîrê Kar û Ewlehiya Civakî Vedat İşikhan, Serokê Yekîtiya Ode û Borseyan Rifat Hisarciklioglu û Serokên Meclîsa Beşan, li Enqerê Bircên Cêwî de hat li darxistin.   Serokê Lijneya Rêveberiyê ya Odeya Bazirganî û Pîşesaziyê ya Wanê Necdet Takva, di civînê de axaftinek kir û balkişand li ser pirsgirêkên cihana karsaziyê ya li bajarê me û herêmê, wekî din; pirsgirêkên sereke yên beşa taybet û hêviyên endamên me pêşkêşî Wezîrê Kar û Ewlehiya Civakî Vedat İşikhan kir.

Çanda dewlemend ya pêjgeha Wanê; di 12-15 Îlona 2024an li Pêşangeha Gurme û Gastronomiyê de hate danasîn.   Serokê OBPW Necdet , bernameya vekirinê de axaftinekî kir û bal kişand li ser çanda pêjgeha parêzgeha Wanê û got; “Wan, xwedî çandeke dêrîn e ku mazûvantiya gelek şaristaniyan kiriye. Berhemên ajaldarî û rîwekên xwemalî bûye sedema pêşkeftina gelek cûreyên xwarinê” Takva, her wiha, ji bo beşdarbûn û piştevaniyê; parêzgarî, şaredarî, jûr û borseyan, saziyên giştî, saziyên sivîl, aşpêj, gel û karsazan spas kir.   Serokê Federasyona Odeyên Cîhanê û Serokê Yekîtiya Ode û Borseyên Tirkiyeyê Birêz M. Rifat Hisarciklioglu, hat serdana Pêşangeha Gurme û Gastronomiyê ya Wanê.   Hevşaredarê Bajarê Mezin a Wanê Neslîhan Şedal, Serokên Odeyên Karbendan, Nûnerên Rêxistinên Civaka Sivîl; Endamên Lijneya Rêveberiyê, Serok û Endamên Meclîsê, di çarçoveya vekirina Pêşangeha Gurme û Gastronomiyê de çûn serdana pêşkêşgehan.

Stêrkên Kardariyê ya Wanê Endamên me yên ku herî zêde karker bi cih kirine hatin xelatkirin. Bernameya xelatdayînê “Stêrkên Kardariyê” bi beşdariya Serokê me yê Yekîtiya Ode û Borseyên Tirkiyeyê Birêz M. Rifat Hisarciklioglu OBPW de hat lidarxistin. Bernameya “Stêrkên Kardariyê” de; di serî de pîşesaziya avahîsaziyê, cilagî, navendên bangewaziyê û geştiyariyê de bi tevahî 29 pargîdanî re plaket hatin dayîn.  

Roja Taştê ya Cîhanê li navçeya Erdîşê Seyrangeha Masiyê Wanê de tevlîbûneke girseyî hat pîroz kirin. Çalakî di pêşengiya Odeya Bazirganî û Pîşesaziyê ya Wanê û hevkariya Qeymeqamtiya Erdîşê û Odeya Bazirganî û Pîşesaziyê ya Erdîşê ve hat lidarxistin.   Roja Taştê ya Cîhanê de; berhemên wek Penîrê Wanê, Mirtuxa, Qawut, Jajî, To, Hingivê Karakovanê, Kulîçeya Wanêên ku di taştêya Wanê de cih digirin hatin pêşkêşkirin.   Her wiha di serî de Wezareta Karên Derve û balyozxaneyan wekî dingelek sazî, rêxistin û gel Roja Taştê ya Cîhanê pîroz kirin û li ser hesabên medyaya civakî parve kirin.

Desteya OBPW, çûn serdana Parlamenterê Partiya Pêşerojê ya Îzmîrê Mustafa Bilici û ji bo hewldanên wî ya çareserkirina pirsgirêkên parêzgeha Wanê spasiyên xwe anîn ziman.   Desteya OBPW, Parlamenterê Partiya Gel a Komarî ya Kocaeliyê Nail Çiler re hevdîtin pêk anî.     Desteya OBPW, çûn serdana Parlamenterê AK Partiyê ya Wanê û Serokê Komîsyona Lihevhatinê ya Yekîtiya Ewropayê Burhan Kayaturk.