Wezareta Bazirganiyê | Enqere Endamên me yê Lijneya Rêveberiyê, Rêvebir û Endamên Meclîsê, digel Parlamenterê AK Partiyê yê Wanê Birêz Burhan Kayaturk çûn serdana Wezîrê Bazirganiyê Birêz Omer Bolat. Di civînê de, mijarên jêrîn ji Wezîrê Bazirganiyê Birêz Omer Bolat re hatin ragihandin: Vekirina Deriyên Sînor ên Çîllî û Xanesorê, Qedandina Rêya Wan û Şirnexê, Avakirina xeta rêhesin ya bênavber, Ezmûngeha gumrikê ya bi tevahî bê saz kirin, Ji bo Gumrika Kapikoyê re destûra karûbarên pisporî, Vekirina Deriyê Sînor ê Kapıkoyê ji bo hinardekirinê re, Avakirina navenda lojîstîkê, Avakirina herêma pîşesazî ya rêkxistinî, Çalakiyên pêşxistina pêwendiyên Azerbaycan û Ermenîstanê, Bankên Îranê şaxên xwe li Wanê vekin, Hêsankirina zagonên bazirganiya sînor; berhemên mijara hawirde û derandinê di çarçoveya bazirganiya sînor de bên nirxandin, Nûjenkirina Deriyê Ûzûmlû û Derecîkê, Kêmkirina xercên triptikê bo astek guncaw, Dayîna destûra karneta TIR ji Deriyê Gumrikê yê Kapıkoy re, Destûra wesayîtên bi plakaya Tirkiyê li Îranê bi rêya Kapıkoyê re, Divê karsazên me Fona Piştgiriya Bikaranîna Çavkaniyan a %6 (KKDF) aza bin.

Serokê Odeya Bazirganî û Pîşesaziyê ya Wanê Necdet Takva beşdarî weşana zindî ya Rudaw TV yê bû. Takva: “Koçberiya ciwanan tenê bi veberhênanê dikare were rawestandin. Bi vî awayî, divê li Wanê qadên veberhênanê yên nû werin afirandin. Divê hemû siyasetmedar û aktorên din ên bajêr di vî warî de serkêşiyê bigirin. Wan bajarekî ciwan e. Li Tirkiyeyê temenê navîn 34.4 salî ye, li Wan 25.5 salî ye. Wan bajarekî ciwan û xort e. Ji bo her beşên karê bajarekî guncaw e. Herêm û bajarê me rêjeya bêkariyê li welêt rêza dawîn de ye. Rêjeya bêkariya her tim 2-3 qat ji rêjeya navînî ya welêt bilindtir e. Rêjeya bêkariyê ya navînî ya Tirkiyeyê %8.4 e. Li Wanê %16.7 e. Ev tiştekî xirab e. Wan bi dahata serê kesî di nav 81 parêzgehan de bi 203 hezar lîre di rêza 79emîn de ye. Stenbol bi 802 hezar TL di rêza yekem de ye û Kocaelî bi 788 hezar TL di rêza duyem de ye. Cudahiyek girîng heye. Beşa Cil û Bergan: Di Tekstîlkent a Wanê û li deverên din ên bajêr de nêzî 40 kargehên çalak de; nêzî 9 hezar karkerên bicîhkirî şol dikin. Ji bo kesên ku di vî warî de veberhênanê bikin, piştgirîyên hikûmetê hene. Beşa cil û bergan ji bo Wanê pir girîng e. Pêdivî ye ku piştevaniyên ev beşê were zêdekirin. Navendên Bangewaziyê: 9 hezar 100 ciwanên me di navendên bangewaziyê de şol dikin. Ev derfet ji bo kar û bicihkirina xebatkaran girîng e. Ajaldarî: Ajaldarî yek ji dewlemendiyên me yên herî mezin e. Nêzî 3 mîlyon 500 ajalên biçûk û mezin hene, %10 ji xwedan hebûna mêrgên welat e. Erdnîgariya bajêr %64 mera ye. Sere mirovekî 3 heb ajalên biçûk dikeve. Piştî sala 1990î, ji ber pirsgirêkên siyasî, xelkê Wanê gundên xwe terikandin û koçî bajaran kirin. Ji ber vê yekê, xwedîkirina ajalan kêm bû. Tevî vê yekê, em hîn jî li Tirkiyeyê di rêza yekem de ne. Ev yek ji bo veberhênana di vî warî de sermayeyek dewlemend e û ji bo vegera bajarên xwe derfetek pêşkêş dike gelê me. Herêma Pîşesaziyê: Herêma Pîşesaziyê de 150 karsaz, veberhênanê dikin divê veberdêrên nû li vir werin arastekirin. Herêma Pîşesaziyê ya Ajaldarîyê: “Projeya Herêma Pîşesaziyê ya Alajdariyê” ku ji aliyê Odeya me ve hatiye amadekirin, ji aliye Wezareta Çandiniyê ve hat destnîşankirin. Herêma Pîşesaziyê ya Ajaldariyê de binavgîn nezî 3 hezar hembajariyên sûd werbigrin. Bazirganiya Derve: Parêzgeha Wanê bajêrekî sînorî ye. Deriyê Ewropayê Asyayê re û deriyê Asyayê jî ber bi Ewropayê re vedike. Lê mixabin hejmara me ya bazirganiya derve ne baş e. Pêwendiyên me bi Herêma Kurdistana Iraqê û Îranê re di demên dawî de pir baş û zêde ye. Di serdema pêş de pêşketinên girîng ên aborî wê çêbibin. Pêwîst e ku danûstandin di navbera karsazên herêmê û yên karsazên wek Îran, Sûriye, Azerbaycan, Ermenistan, Iraq û Herêma Kurdistanê de bên hewesandin û teşwîq kirin. Pêvajoya Aştiyê: Aborî bi aramiyê geş dibe. Pêşketina aborî tenê di hawîrdorek aştiyê de dikare çêbibe. Herêma Rojhilata Anatolyayê nêzîkî sedsalek e şahidiya bûyerên awarte bûye. Jiyana me ya cîvakî û aboriyê her tim derasayî bû. Piştî çek danînê, ji îro pê ve; armanca me gerek bajar û herêma me pêş bikeve, ji alîyê civakî û aboriyê de geş bibe. Em bawer dikin ku di dema pêş de, ligel pêvajoya aştiyê, pêşketinên girîng jî wê çêbibin.” Nûçeya Rudawê: https://www.rudaw.net/kurmanci/kurdistan/301220257

Bi hevkariya Odeya Bazirganî û Pîşesaziyê ya Wanê û Ajansa Pêşketinê ya Rojhilatê Anadoluyê “Civîna Karsazên Azerbaycanî” hat lidarxistin. Di civînê de Endamên me yê Lijneya Rêveberiyê, Serokê Yekîneya Polîtîkayên Karsazî û Geştiyariyê ya Ajansa Pêşketinê ya Rojhilatê Anadoluyê Mehmet Emin Çakay, Şêwirmendê Bazirganiyê ya Bakûyê Murat Yaman, Cîgirê Serokê Konfederasyona Karsazên Azerbaycanê Vugar Zelyanov, nûnerên civaka karsaziyê ya Wanê û karsazên Azerbaycanî amade bûn.   Serokê Odeya Bazirganî û Pîşesaziyê ya Wanê Necdet Takva, di axaftina xwe de bal kişand ser pêwendî û derfetên bazirganiyê. Takva, 'me bi Azerbaycanê re têkiliyeke nêzîk heye' her wiha têkiliyên Wanê bi Komara Îslamî ya Îranê di vê xalê de pir girîng e. Li sersala 2025an heya naha nêzîkî 800 hezar Îranî ji bo geştiyariyê hatine bajarê me. Nêzîkî %90ê wan bi eslê xwe Azerbaycanî ne.' 'Em hewl didin ku ji gelek kesên ku li ser bingehek hevpar a ziman, çand û nirxên hevpar tên vir re mêvanperweriyê nîşan bidin. Ev bi rastî nîşan dide ku me bi Azerbaycanê re têkiliyeke pir nêzîk heye'   Serok Takva, diyar kir ku Odeya Bazirganî û Pîşesaziyê ya Wanê di sala 2017an de bi şandeyeke ji 35 kesan pêk tê serdaneke xebatê li Bakûyê kiriye. 'Mixabin, her çend 8 sal derbas bûne jî, ji Azerbaycanê tu bersiv an serdanek ji bo bajarê me nehatiye kirin. Em polîtîkayên Azerbaycanê yên li hember Rojavayê dizanin. Em ji derfetên karsaziyê yên nêzîk ên ku bi Tirkiyeyê re ava bike jî haydar in. Ez dixwazim bibêjim ku divê em vê yekê veguherînin derfetekê û divê Azerbaycan bêtir bi hewes û dilxwaz be ku bajarê Wanê û bajarên din ên Herêma Rojhilatê Anadoluyê bibîne. Ez nafikirim ku êdî wateyek nîne em li bendê bimînin.'   Em di warê hilberînê de jî dişibin hev. Takva di berdewamiya axaftina xwe de got, 'dîroka me bi qasî 20 hezar salan e û ev yek me di warê geştiyariyê de pêş dixe'“Bi taybetî di warê ajalên piçûk de, Azerbaycan xwedî potansiyeleke mezin e. Li gorî ajalên mezin, hejmara ajalên piçûk hema hema sê qat zêdetir e. Li welatê me de em bi xwediyê 3.5 mîlyon ajalên piçûk de di rêza yekem de ne. Ev yek me di warê adetên hilberînê de bi hev ve girêdide. Ber vê yekê em dikarin derfeta hevkariyê bi Azerbaycanê re di warê pîşesaziyên hevbeş de di warê ajalan de bibînin.” Wekî din; Takva diyar kir ku bi nêzî 1 milyon geştiyar ji Azerbaycanê tên Tirkiyeyê û ev hejmar divê were zêdekirin.   'Em hewceyê asayîbûnê ya pêwendiyên Ermenistanê ne' Takva diyar kir: Gavên ku hem welatê me û hem jî Komara Azerbaycanê di demên dawî de avêtine û zemîna ku wan afirandine, ji bo hevkarî û çalakiyên hevbeş derfetek e.   Takva: Deriyê Me Her Tim Vekirî ye Takva, axaftina xwe wiha domand: 'Derfetek me heye ku di navbera Azerbaycan û Tirkiyeyê de; bi taybetî di navbera Wan û bajarên sînor de, deverên pîşesaziyê yên hevbeş û navendên lojîstîkê ava bikin. Wekî din, em bawer dikin ku têkiliyên me dê bi vekirina Korîdora Zangezûrê em ê bigihîjin astek pir çêtir. Em gelek li ser van mijaran diaxivin. Tiştê ku em dixwazin li vir bi dest bixin; potansiyela Azerbaycanê ye. Ji ber vê yekê, ez difikirim ku ger beşdarên hêja van pirsgirêkan di civat û civînên xwe de bînin ziman, ev ê bibe alîkar ku em hemî bigihîjin armancên hevpar. Deriyê me her gav ji we re vekirî ye. Em ê pir kêfxweş bibin ku tevahiya şandeyê li bajarê xwe mazûvan bikin. Civîn bi danûstandina raman û pêşniyaran bi dawî bû.

Xeta Rêhesinê ya Bênavber! Serokê OBPW Takva: Ji ber nebûna xeta rêhesinê ya bênavber, bajar bi salan e xwe dispêre veguhestina ferîbotê. Lêbelê, ev rêbaz hem dibe sedema windakirina demê hem jî lêçûnên zêde.   Odeya Bazirganî û Pîşesaziyê ya Wanê; ji nebûna xeta rêhesinê gazinan dike. OBP ya Wanê daxwazên xwe bi 'Xeta Rêhesinê ya Gola Bakur a Wanê' ve sînordar nake. Serok Necdet Takva di derbarê xeta rêhesinê de ji Murat Barin, nûçegihanê Rojnameya Herêmî ya Wanê re daxuyaniyên girîng da. Takva got, 'Çi ji bakur derbas bibe çi ji başûr, heya ku xeta rêhesinê ya bênavber hebe.'   Lêçûnên Veguhestina Ferîbotê Zêde Dibin Takva tekez kir ku ji ber nebûna tora rêhesinê, mesafeya di navbera Wan û Tetwanê de bi ferîbotan tê girtin, ku ev jî dibe sedema lêçûnên zêde. Takva got, 'Li şûna çêkirina rêhesinek ji bo navbendek wusa kurt, pereyê ku ji bo çêkirina ferîbotan û veguhastina kelûpelan tê xerckirin, dikaribû du caran ji bo avakirina xeta rêhesinê ya domdar bihata bikar anîn' û got ku xeta rêhesinê ji bo pêşkeftina bazirganiyê û ji bo veguhastina bilez û bênavber girîng e.   Takva: Ecêbiya Ferîbot û Rêhesinê Serokê Odeya Bazirganî û Pîşesaziyê ya Wanê Takva diyar kir ku li cîhanê mînakek tune ku ferîbot ji bo veguhastina rêhesinê were bikar anîn û ev yek bandorek neyînî li ser pêşkeftina bazirganiya bajarî dike. Takva got, 'Di dema çêkirina ferîbotê de, kampanyayek hate lidarxistin da ku veguhastina rêhesinê li ser Behra Wanê bi karanîna ferîbota herî mezin a Ewropayê were nîşandan. Di civîna Odeyên Bazirganî û Pîşesaziyê yên Tirkiyeyê de, min ji Cîgirê Serok re got ku em êdî vê pesnê naxwazin û divê ew rêhesinek domdar ji me re peyda bikin.'   Takva: rêhesinê ya qutbûyî bandorek neyînî li lojîstîka navneteweyî jî dike: 'Lêçûnên veguhastinê pir zêde ne. Dema ku veguhastina rê 1,5 demjimêran digire, veguhastina ferîbotê 3-4 demjimêran digire. Hem windakirina demê û hem jî windakirina lêçûnê heye. Divê em êdî vê rastiyê qebûl bikin ku lojîstîka navneteweyî divê bênavber be.'   Girîngiya Xeta ku Ji Sedsala 18an vir ve Hatiye Plankirin Takva, ku pirsgirêka rêhesinê ya Wanê wekî pirsgirêkek ne tenê ji bo bajêr, lê di heman demê de ji bo herêmê jî bi nav kir, got: 'Xetek ku gengazbûna wê ji destpêka sedsala 18an vir ve hatiye lêkolînkirin, divê were bicîhanîn. Projeyên Korîdora Zengezurê û Rêya Refahê di rojevê de ne. Yek ji warên herî girîng ên vê entegrasyonê xeta rêhesinê ya bênavber e. Girîng e ku biryarder vê yekê di bernameya veberhênanê de bihewînin.'   Pêşaniya Veberhênanê: Rêhesina Bênavber û Rêya Wan-Şirnexê Odeya Bazirganî û Pîşesaziyê ya Wanê tekez dike ku projeya rêhesinê ya bênavber divê bi lezgînî di bernameyên veberhênanê de cih bigire. Takva diyar kir ku burokrat û siyasetmedarên bajêr divê ji vê mijarê re hestiyar bin, û ku 8 endamên parlementoyê divê di serî de li ser vê mijarê bişopînin. Her wiha diyar kir ku rêya sereke ya Wan-Şirnexê ji bo girêdana bi torên veguhastina navneteweyî re xwedî girîngiyek krîtîk e. Takva dawiyê de got, 'rêhesinek bênavber niha ji bo pêşkeftina bajar û herêma me pêdivî ye.' 'Wan roleke girîng dilîze, lê xeta qutwekî derbekemezin li ser veguhestina me ya herêmî û navneteweyî derdikeve pêşberî me.'

Serokê Lijneya Rêveberiyê ya Odeya Bazirganî û Pîşesaziyê ya Wanê Necdet Takva, beşdarî “Bernameya Gotûbêjê” bû. Bername, ji aliyê Lijneya Ciwanan a Komeleya Karsazên Şêrên Anadoluyê ya Şaxa Wanê ve hate lidarxistin. Takva, li ser cîhana karsaziyê û herêmê de bandora rêxistinên pîşeyî û rêxistinên civaka sivîl her wiha girîngiya peyaneriyê de axivî. Di bernamê de SerokêKomeleya Karsazên Şêrên Anadoluyê ya Şaxa Wanê Hakan Perihanoglu û Endamê Lijneya Rêveberiyê jî amade bûn.

Di navbera Odeya Bazirganî û Pîşesaziyê ya Wanê û Komeleya Mutehît û Avakerên Wanê peymanek hevkarî û piştevaniyê hat destnîşankirin.   Peyman ji aliyê Serokê Odeya Bazirganî û Pîşesaziyê ya Wanê Necdet Takva û Serokê Komeleya Mutehît û Avakerên Wanê Seracettin Işildar ve hat destnîşankirin. Her wiha bernameya peymanê de, Endamên Lijneya Rêveberiyê ya Odeya Bazirganî û Pîşesaziyê ya Wanê û Endamên Lijneya Rêveberiyê ya Komeleya Mutehît û Avakerên Wanê jî amade bûn.   Armanca peymanê ew e ku piştgiriyê bide pêşveçûna beşa avasaziyê, ji bo çareserkirina pirsgirêkên beşê hewldanên hevbeş bên kirin, xurtkirina hevkariya beşê, çalakiyên komeleyê ji aliyê Odeya Bazirganî û Pîşesaziyê ya Wanê de werin danasîn û ji bo çareserkirina pirsgirêkan bi rayedarên pêwendîdar re piştgiriya OBPW.

Odeya Bazirganî û Pîşesaziyê ya Wanê (OBPW) mazûvaniya Balyozê Koreya Başûr Yeondoo Jeong kir.   Di civînê de li ser zêdekirina qebareya bazirganiyê ya di navbera Wan û Koreya Başûr de, rewşa jeopolîtîk ê parêzgeha Wanê, qadên veberhênanê û derfetên hevkariyê de axivîn.   Serokê Lijneya Rêveberiyê ya Odeya Bazirganî û Pîşesaziyê ya Wanê Necdet Takva, axaftina xwe de bal kişand ser cih û girîngiya stratejîk a Wanê di nav aboriya Tirkiyeyê de û diyar kir ku aboriya bajêr bi giranî li ser sektora xizmetê ye. Takva got, 'Wan, bi 21,000 kîlometreçargoşeyî, yek ji pênc parêzgehên herî mezin ên Tirkiyeyê ye. Li Wanê de 1,118,000 kes dijîn, em 19emîn parêzgeha herî mezin a welêt in.   Beşa xizmetê ji sedî 62ê aboriya me pêk tîne, ku ev beş wekî geştiyariyê, perwerdehiyê û tenduristiyê vedihewîne. saziyên biçûk ji sedî 16 pêk tînin, lê para ajaldariyê jî ji sedî 22 pêk tîne. Em di hilberîna ajalên piçûk de li Tirkiyeyê di rêza yekem de ne; 3.5 mîlyon pez û 160,000 serî dewarên me hene. Lêbelê, divê em çalakiyên xwe yên geştiyariyê bidin pêşiyê.'   Sefîrê Koreya Başûr Yeondoo Jeong di civînê de li ser rewşa aborî ya heyî nirxand. Wî destnîşan kir ku tevî ku bazirganiya salane ya di navbera Tirkiye û Koreya Başûr de ji 10 milyar dolarî derbas dibe, lê mixabin di navbera Wan û Koreyê de tu têkiliyên bazirganî nehatine danîn. Sefîr bal kişand ser hevkariyên heyî yên di navbera gelek bajarên Tirkiye û Koreya Başûr û diyar kir ku pêşgaviyên bi vî rengî dikarin li Wanê jî werin kirin, ev yek nîşan dide ku potansiyela bazirganiyê ya girîng a Wanê heye.

Endamê Lijneya Rêveberiyê û Endamên Meclîsê ya Odeya Bazirganî û Pîşesaziyê ya Wanê çûn serdana Pêşangeha AutoVan Otomotîvê.   Desteya Odeya Bazirganî û Pîşesaziyê ya Wanê, destnîşan kirin ku ev pêşangeh ji bo parêzgeha me û beşa otomotîvê berhemdar be.

Civîna asayî ya Lijneya Bilind a Şêwirmendiyê hat lidarxistin. Di civînê de pêşketinên civakî û aboriyê ya parêzgeha Wanê û Pêşangeha Gurme û Gastronomiyê hate nirxandin. Her wiha Sekreterê Giştî ya OBPW Cengiz Aras li ser xebatên Lijneya Bilind a Şêwirmendiyê de pêşkêşiyek kir.

Danasîna Pêşangeha Gurme û Gastronomiyê hate kirin. Lijneya Rêveberiyê ya Odeya Bazirganî û Pîşesaziyê ya Wanê li ser pêşangehê agahiyan da endamên çapemeniyê. Pêşangeha me ya Gurme û Gastronomiyê ya Wanê deriyên xwe vekir. Pêşangeh 25-28ê Îlona 2025an berdewam kir. Bi dirûşmeya 81 Bajar, 81 Tehm li Wanê Dicivin de, li pêşangehê; tehmên herêmî ji çar aliyên Tirkiyeyê hatin pêşkêş kirin û çalakiyên rengîn û nişkegavî hatin lidarxistin. Pêşangeh, Navenda Pêşangeh û Komcivînê ya Wanê de hat lidarxistin.

Serokê me yê Lijneya Rêveberiyê Necdet Takva, wek Civatserekiya Odeyên Bazirganî û Pîşesaziyê ya TOBBê beşdarî Civîna Konsîla Odeyên Bazirganî û Pîşesaziyê bû. Di civînê de pirsgirêkên cîhana karsaziyê û rojeva welat hatin nirxandin.

Serokê me yê Lijneya Rêveberiyê Necdet Takva, wek Civatserekiya Odeyên Bazirganî û Pîşesaziyê ya TOBBê, bi Serokê Yekîtiya me û desteya pê re çûn serdana Alîkarê Serokomar Birêz Cevdet Yilmaz û pirsgirêkên civaka karsaziyê anîn ziman. Di hevdîtinê de li ser Bernameya Navîn de niqaşkirin. Pişt re çûn serdanaWezîrê Xezîne û Darayiyê Mehmet Şîmşek û pirsgirêkên civaka karsaziyê anîn ziman.      

Civîna Lijneya Bilind a Şêwirmendiyê hat lidarxistin. Di civînê de Endamên Lijneya Bilind a Şêwirmendiyê, derbarê bandorên pêvajoya dawî li ser herêm, parêzgeha Wanê û Welatê me; Pêşangeha Gurme û Gastronomiyê ya Wanê; Weqfa Perwerde, Çand û Lêkolînê ya OBPW de şêwirîn.

Tacê Taştêya Tirkiyeyê Taştêya Wanê ye.Taştêya Wanê Tirkiyeyêanî rêza yekem.   Rêbernameya gastronomiyê ya navdar a cîhanê TasteAtlas, lîsteya '50 Taştêyên Herî Baş ên Cîhanê' ji Pûşbera 2025-an vir ve weşand. Di serê lîsteyê de, taştêya kevneşopî ya Tirkiyeyêbi 4.8 xalan wekî taştêya herî baş a cîhanê hate hilbijartin.   Sedema herî mezin a yekembûna Taştêya Tirkiyeyê, Taştêya Wanê ye. Zêdetirî 20 berhem, hilberên xwezayî, xebatên tomarkirina nîşanên erdnîgariyê ya berhemên herêmî, cihgirtina wî ya Pirtuka Rekoran ya Guinnessê, ragihandina Roja Taştê ya Cîhanê ku her sal Yekşema yekem a meha Pûşberê tê pîrozkirin. Bi kurtasi ev hewldan û xebatên me taştê li rojevê de hişt.   Di encama xebat û lêkolînên Odeya Bazirganî û Pîşesaziyê ya Wanê, Taştêya Tirkiyeyê wekî taştêya herî baş a cîhanê hate hilbijartin. Heya niha Odeya Bazirganî û Pîşesaziyê ya Wanê ji bo parastin, nasandin û xwedî derketinataştêyêçi kiriye? Xebatên ku ji hêla Odeya Bazirganî û Pîşesaziyê ya Wanê hatine kirin …   XEBATÊN OBPW 1- Di 1ê Pûşberê sala 2014an li Kela Wanê de beşdarbûna 51 hezar 793 kesan Sifreya Taştê ya Herî Mezin a Cîhanê hate şikandin û ev rekor ket Pirtûka Rekorên Cîhanê ya Guinnessê. 2- Sala 2019an de rojek ji cîhanê re hate diyarî kirin û ji hêla OBPW ve wekî 'Roja Taştêya Cîhanê' hate ragihandin. 3- Taştêya Wanê ket Lîsteya Mîrata Çandî ya UNESCOyê. 4- Wezareta Karên Derve her sal Yekşema yekem a meha Pûşberê li seranserê cîhanê wekî 'Roja Taştêya Cîhanê' ragihand. Îsal Roja Taştêya Cîhanê ya 6emîn hate pîrozkirin. 5- Xebatên tomarkirinê ya nîşana erdnîgariyê ya Taştêya Wanê hate qedandin. 6- Hewldanên tomarkirina nîşanên erdnîgariyê ya berhemên Taştêya Wanê berdewam dikin. 7- Penîrê Gîyayê ya Wanê, Kulîçeya Wanê, Mirtuxe, Qawît wek nîşanên erdnîgariyê hatin tomarkirin û xebatên tomarkirina Rîçala Gulê, Nanê Tenûrê û Jajiyê jî berdewam dikin. 8- Pêvajoya tomarkirina Penîrê Gîyayê ya Wanê li saziya Yekîtiya Ewropayê jî berdewam dike.   Li gorî Lîsteya TasteAtlas, 10 Taştêyên Herî Baş ên Cîhanê: 1. Taştê (Tirkiye) - 4.8 2. Komplet Lepinja (Sirbîstan) - 4.6 3. Sfinz (Lîbya) - 4.6 4. Kaleh Pacheh (Îran) - 4.6 5. Croissant (Fransa) - 4.5 6. Jianbing (Çîn) - 4.5 7. Sfiha (Lubnan) - 4.5 8. Pao de Queijo (Brezîlya) - 4.5 9. Katmer (Tirkiye) - 4.5 10. Bougatsa (Yewnanistan) - 4.5

Serokê me yê Lijneya Rêveberiyê û Civatserokê Odeyên Bazirganî û Pîşesaziyê ya TOBBê Necdet Takva û Serokê me yê Meclîsê Turan Avci beşdarî Şûraya Aboriyê ya Tirkiyeyê bûn.   Şûra, bi mazûvaniya Serokê Yekîtiya me M. Rifat Hisarciklioglu û beşdariya Alîkarê Serokomar Cevdet Yilmaz, Wezîrê Bazirganiyê Omer Bolat, Wezîrê Xezîne û Darayî Mehmet Şimşek, Wezîrê Pîşesazî û Teknolojiyê Mehmet Fatih Kacir, Wezîrê Vejen û Çavkaniyên Siruştî Alparslan Bayraktar, Wezîrê Xebat û Ewlehiya Civakî Vedat Işikhan, Wezîrê Çandinî û Daristanê Îbrahim Yumakliyê de li TOBBê hat lidarxistin.   Serokê OBPW Necdet Takva di civînê de li ser; Qedandina Rêya Wan û Şirnexê, Avakirina xeta rêhesin ya bênavber, Vekirina navendên bazirganiya sînor ya Deriyên Hanesor û Çilliyê, Piştevaniyên navendên bangewaziyê û beşa tekstîlê, Li Wanê vekirina Konsolosxaneya Îranê, Derfetên pasaporta kesk li bazirganan re, Avakirina herêma pîşesaziyê ya hevpar a Tirkiye û Îranê, Deriyê Ûzûmlûyê bi destê GTI were nûjenkirin, Rêya Hawirdorê ya Wanê were qedandin, Xurtkirina piştevaniyên herêmî, Zêdekirina piştevaniyên bicihkirina xebatkaran, Derbasgeha Kuskunkiranê ya duyem were qedandin û pirsgirêkên darayî û aboriyê, bazirganiya derve, kêmasiyên deriyê sînor û hewcedariya hejmarên balafiran her wiha venêrîna kargehan de axivî.

Serokê Lijneya Rêveberiyê ya Odeya Bazirganî û Pîşesaziyê ya Wanê Birêz Necdet Takva, derbarê bûyerên çil salên dawî û her wiha avhewaya aştiyê û çekdanînê ya ku li ser bandora aboriya herêmê de daxuyanî da Rudaw TVyê Beriya her tiştî, ez dixwazim kêfxweşî û dilşadiyên xwe ya li hember pêşketinên di demên dawî de, avhewaya aştiyê ya ku hatiye afirandin û danîna çekan nîşan bidim. Herêma Rojhilata Anatolyayê nêzîkî sedsalek e şahidiya bûyerên awarte û aloziyan bûye. Me qet rojek asayî nedît; jiyana me û rewşa me her tim derasayî bû. Ev rewş bû sedema gelek windahiyên civakî û aboriyê. Gundên me vala bûn, xwedîkirina ajalan rawestiya, çandinî rawestiya. Rewşa aboriyê li gundewariyê xirab kir. Gelê me yê gundan ber bi bajaran ve koç kirin. Bajarên me bûne gundên mezin. Pêş neket û geş nebûn. Bi taybetî, her çend parêzgeha Wanê, di warê nehêniya ajaldarî û milkên çêregeh/merayan de, di rêza yekem a welat de be jî, lê mixabin, di warê pêşveçûna aboriyê de di rêza dawîn de ye. Ciwanên me koçî bajaran kirin, li hemû şantiye û avakirina xaniyên welatê me de xebitîn, ketin û jiyana xwe ji dest dan. Lê mixabin ew nekarî bûn malên xwe ava bikin. Ciwanên me yên xwende, bajarên me terikandin û li bajarên yên wekî Stenbol, Enqere, Edeneyê her wiha derketin derveyî Welat li Ewropayê belavbûn. Dewlet, bi salan, ji ber fikarên ewlehiyê, veberhênanên xwe di vî warî de çêkir. Ev rewşa hanê tê îdîa û diyar kirin ku bûye sedema zirara ser 2 trîlyon dolarî. Em nikarîbûn nehêniyên xwe ya geştiyariyê bi kar bînin. Veberhênerên ji welatê me û welatên biyanî li herêma me bi xetere û talûke temaşe dikirin. Aktorên cîhana me ya karsaziyê, rastî zehmetiyan hatin, lê dîsa jî, me veberhênan û bazirganiyên xwe li vir kirin, me bajêr ne terikand. Mixabin, hin ji gelek karsaz neçar man ku dev ji veberhênanên xwe berdan û bajêr terikandin. 'Me baweriya xwe ya aştiyê tu caran vinda nekir' Ez, teqez dixwazim vê bibêjim; girîngtirîn qada veberhênana aboriya herêma me, xwedîkirina ajalan e. Werin li vê herêmê veberhênanê bikin! Di dawiyê de, ez dixwazim vê yekê bibêjim; 'Ez, hemû kesan, hemû nêrînan, hemû beşên vî welatî vedixwînim ku di Roja Taştê ya Cîhanê de, ku dê roja Yekşemê-1ê Xezîranê 2025an de were pîrozkirin, li ser heman sifreyê werin cem hev da ku vê aştiya hêja, ji bajarê me, herêma me, welatê me bigire heta cîhanê, tacîdar bikin. Werin em pêkanînên xwe ya Sifre Taştêya Herî Mezin a Cîhanê ya ku beşdarbûna 51 hezar kesî biguherînin û 86 mîlyon hemwelatiyên xwe, bi dil û can Sifre Aştiyê ya Herî Mezin de bînin cem hev. Aştî pîroz be! Bila biratiya me her û her be! Bila welatê me dewlemend be! Spas, ji hemû xebatkar, kedkar, biryardar û zehmedkêşanên ev roja pîroz!      

Odeya Bazirganî û Pîşesaziyê ya Wanê, bi piştevaniya Serkonsûlê Tirkiyeyê, Hewlêra li paytexta Herêma Kurdistana Iraqê 'Şeva Danasînê ya Wanê' lidarxist.   Wezîrê Herêma Kurdistanê yê Karûbarên Pêkhateyan, Parêzgarê Hewlêrê, Serkonsûlê Tirkiyeyê, Cîgirê Serokê Jûra Bazirganî û Pîşesaziyê ya Hewlêrê, nûnerên Herêma Kurdistanê û partiyên siyasî, rêxistinên civaka sivîl û pîşeyî, karsazên geştiyariyê û gelek mêvan beşdarî Şevê bûn.   Bernamê, bi guhdariya stranên herêmî û pêşkêşkirina xwarinên Wanê yên ku ji aliyê Aşpêj Şef Alî Geyik ve hatibûn amadekirin bi dawî bû.

Wan li Hewlêrê! Odeya Bazirganî û Pîşesaziyê ya Wanê ji bo danasîna parêzgeha Wanê beşdarê 'Pêşangeha Geştiyariyê ya Rojhilata Navîn' bû.   Çanda dewlemend ya pêjgeha Wanê li parêzgeha Hewlêrê, Pêşangeha Geştiyariyê ya Rojhilata Navîn de derket pêşberî gel. Penîrê Wanê, Kulîçeya Wanê, Nanê Loş, Hingivê Wanê Mirtuxe û Qawut ji mêvanan re hatin belavkirin. Her wiha li ser nasandina Wanê agahî hate dayîn.   Serokwezîrê Hikûmeta Herêma Kurdistanê Birêz Mesrûr Barzanî serdana pêşkêşgeha me kir. Endamê me yên Lijneya Rêveberiyê Birêz Mesrûr Barzanî vexwend parêzgeha Wanê.     Di roja yekem a Pêşangeha Geştiyariyê ya Rojhilata Navîn de pêşkêşgeha me gelek balkişand. Berpirsên hikûmeta Herêma Kurdistanê, karsazên beşa geştiyariyê, nûnerên ji Iraq û welatên Rojhilata Navîn yên ku beşdarî pêşangehê bûn, hatin serdana me.   Mêvanên ku serdana pêşkêşgeha me kirin bi derfeta Berçavka Rastiya Xeyalî cihên dîrokî û xwezayî ya parêzgeha Wanê ceribandin. Serkonsolosê Hewlêrê yê Tirkiyeyê Birêz Erman Topçu, li Pêşangeha Geştiyariyê ya Rojhilata Navîn de hat serdana pêşkêşgeha me. Alîkarê Serokwezîrê Herêma Kurdistanê Birêz Qubad Talabanî hat serdana pêşkêşgeha me.     Parêzgeha Wan, bi xwarin û vexwarinên xwe yên xwemalî û nehêniyên geştyariyê bala beşdarên pêşangehê kişand. Di roja duyemîn ya Pêşangeha Geştiyariyê ya Rojhilata Navîn de ji bo nasandina nirxên Wanê yên xwezayî, dîrokî, geştiyarî û berhemên herêmî hewldanên me berdewam dikin.      

Endamên Lijneya Rêveberiyê û Serokê Komiteya Karbendî ya Odeya Bazirganî û Pîşesaziyê ya Wanê; Alîkarê Wezîrê Çandinî û Daristanan Dr. Ahmet Bagci re hevdîtin kir.   Di civînê de; li ser nehêniyên çandinî û ajaldariyê ya parêzgeha Wanê, her wiha pirsgirêk û daxwazan de şêwirîn.

Bi hevkariya odeya me û Saziya KOSGEBê de Bernameya Agahdariyê ya Piştevaniyên KOSGEBê hat lidarxistin.   29ê Rêbendanê 2025an roja Çarşemê Demjimêr 14.00an de li eywana Odeya Bazirganî û Pîşesaziyê ya Wanê de Bernameya Agahdariyê ya Piştevaniyên KOSGEBê hat lidarxistin.   Di çarçoveya bernameyê de: Piştgiriya Geşepêdana Zerengiyê Piştgiriya Veguherîna Dîjîtal Perwerdeya Nivîsandina Pêşnûmayan de agahî hate dayîn.   Serkarê Piştevanî û Geşkirinê ya Kargehên bi Pîvanên Navîn û Biçûk ya parêzgeha Wanê Bilal Emre Yoruk, derbarê piştevaniyên KOSGEBê de pêşkêşiyek kir û agahiyan da